放下只需簡單兩個步驟

有個客問我:怎樣放下?

好多書都教, 用寬恕的心來放下, 但就係非常唔容易做出寬恕嘛, 咁又應該點做呢?

在我來說:首先就要定義何謂放下-
放下就係改變我們原有的諗法, 大家同意嗎?
若我們持續 hold 住E個諗法, 就叫做 "執著".
怎樣令自己唔再 hold住E個諗法, 就正如你手上 hold住一個榴蓮, 我可以用乜野方法叫你放低個榴蓮呢? 大家估下……… 就係俾另一個更大, 和更靚的榴蓮俾你. 若你想接受E個新榴蓮, 就要放低你原本的榴槤!就正如, 若想自己放棄原有的諗法, 就要用另一諗法去代替.

其實, 我們做/不做每一件事, 或維持/不維持一個關係, 都係需要一個"說服自己的新說法/諗法".
我在此簡單舉以下一個例子:

她被他無情地飛左, 她怎樣放下他?

1) 首先瞭解自己為甚麼要放下他, 因不放下他, 會令自己繼續傷心, 難過,等等

2)就審視何謂放下他 ?到底放下他係指甚麼? 剛才我說:放下就係放棄我現今維持著的諗法. 例如:她難過是因為他變心!

3) 開始加一個新諗法/新說法俾自己, 這就指你經歷了E段感情後, 到底了解左件乜野事, 俾個結論俾自己, 例如:發現原來,男女之間的感情, 係可以變質的. 咁你就開始升 lev 啦!

4) 點解叫升 lev 呢?因你俾到一個新結論俾自己時, 你已不再是未分手時至分手難過的自己, 你已開始進級到另一個你. 你係E點上可能仲唔係好明, 唔緊要的, 因我們要透過做練習去領會E點的. 最重要係E個時候, 一定要開始做以下練習:你若肯做, 你好快就能脱胎換骨, 走出黑暗!

5) 當自己每次難過時, 都要同自己講:我已經學到/明白一點, 原來愛情係會變質的, 多謝你(我指那個飛左你的他)教識我E樣野. 我已經再唔係停留我舊時的角式, 我而家係新的處境, 就係一個完全新的我. (註:既然我係一個全新的我, 舊有的我已再不是你自己, 你真係無需再諗, 因你與舊時的我, 再冇關係. 若你繼續諗你舊時的我, 就等於睇完戲, 仲係度替戲中女生角的悲傷結果傷心, 你覺得還有需要嗎?)
若你可以講完後, 能俾到自己一個回心微笑. 你就開始能慢慢真係放下!也領會到何謂升 lev!

放下只需兩個簡單步驟:
1)要成立一個俾自己的新說法
2)用E個新說法去做練習

其實每一個想放下的狀況都唔同, 怎樣俾到一個新說法俾自己, 也可能是難題. 若諗唔到, 可以 DM 俾我. 識我的客可以 WhatsApp我, 我地可以齊齊諗一個適合自己的新說法.

原文錄自我 IG


#放下
#放下就是這樣簡單
#放過自己
#一個新的說法
#怎樣説服自己
#寬恕
#寬恕他人
#放過自己
#放下就是放過自己
#放下是甚麼
#放下是種學習
#練習放下
#生命課題
#身心靈分享

發表留言